【吹咩 · 求證】Jump波

上次講過一個問題，當罰球射出之後再吹判雙方犯規既情況下，會唔會有罰球?

梗係唔會有啦，就算有球隊滿team foul，但因為罰球射出果一刻開始，雙方球隊都未有控球權，點吹罰呢? 所以正確黎講當然係jump波啦！

講開jump波，如果雙方一齊拎住幾耐先會吹呢？係街場可能聽得最多「1、2、3！jump波。」但係球例入面只係提到：

球例12.1.2 : 當1名或以上不同隊的球員各以單手或雙手緊握球體，如不用粗暴動作則不能獲得球時，則發生「爭球」

所以唔會用幾耐去決定係咪判jump波。

至於好多時滿team foul後，如果有進攻犯規出現，記得唔好再問球証「唔係射罰球咩？」，記住進攻犯規係唔會有罰球射嫁！

不過其實進攻犯規都會引起球員疑問，其實問先算進攻犯規呢？要成個人企定？隻腳係咪真係唔郁得，咁成個人唔郁得係由人地起動走籃開始計定係投籃果下先計？相信當遇到被球証吹完既人都會追問球証: 咩咩咩~~ 同場邊啲隊友又會話「喂，佢郁緊喎! 」之類！如果大家都遇過呢啲既話，咁就岩啦，下期將會開始主要硏究下進攻犯規。