認識 Stock X 背後

因為Stock X嘅其中一個主要投資者，就係56歲嘅騎士班主 Dan Gilbert。Dan Gilbert入主的第一個原因係見到呢個市場嘅萌芽。佢見到自己嘅仔喺eBay買賣波鞋，然後就問身邊都有同齡子女嘅朋友，原來有近90-95%嘅人都知佢地嘅仔都好活躍於買賣運動鞋。但Dan Gilbert睇到市場上嘅漏洞，但亦都係一個機遇！

eBay交易好模糊，信息有限，而且係基於您用您嘅錢信任陌生人。咁點解股票市場從來無喺互聯網上出現？Dan Gilbert 找到了同樣有宏大想法嘅 Josh Luber，佢地傾到嘅係運動鞋的股票市場。2015年中，一切都就緒，Luber將佢嘅屋企人搬到底特律，Dan Gilbert嘅基地。然後，誕生了 Stock X。

描述 Stock X 最簡單嘅方法就係創始人如何製做：”商品的股市”(The stock market of things.)

股市提供嘅係呢種預期商業/企業未來嘅市場。股票市場不會出售股票，佢只係提供買賣股票服務嘅地方。係現今電腦盤嘅股市，無論您幾時考慮買賣股票，都可以搵到由第一次買入到最近買賣股票嘅完整歷史，咁就可以確保買方了解自己出牌價格，賣方亦明白自己放緊咩價(ask for)，雙方無得抵賴。Stock X 運作都一樣，但就係關於商品以及實物交易。

買賣股票有贏就有輸，離場係必勝法，但只要一日有交易，提供服務中介角色就一定有錢賺；Dan Gilbert 最聰明地方就係創立Stock X 一個買賣平台，只要一日有交易，Stock X 都可繼續運作。早前參觀 Stock X 活動中，除咗係總部內見到有波鞋之外，仲見有其他奢侈品例如手錶、手袋，而Stock X 網站上已經有唔同商品進行買賣，對於佢地嚟講波鞋股市只係一個起點，未來已準備開創其他商品股市，甚至進駐其他地區，更期望與不同公司或品牌合作。外界對 Stock X 至今反應好壞參半，但相信依個新市場已經對傳統拍賣網站造成正面衝擊。