D Rose 9

係今日練波過程，身邊有隊友問我對 D Rose 未來新球季點睇。「期望 D Rose 滿血回歸……」這種字句每年不時聽見，我唔認會值得再講。
時間唔會等人，年齡慢慢流、慢慢就沒有感覺 …… 有時我會諗，與其希望滿血重生、倒不如期待能健健康康，打得幾耐得幾耐，能夠見到抱著「盡打」心情去看待每一場嘅球員，畫面幾值得欣賞。
adidas D Rose 9 顛覆近4代 Boost 家族、變回 Bounce ，但反而有驚喜；不過首先想提一提sizing。見到唔少外國鞋評指、建議細半碼；佢哋建議細半碼唔係錯，全編織類鞋面經過著用，的確會出現偏差，加上鞋帶扣設計獨特，有類似建議好合理。
反而值得注意係楦頭偏闊會影響尺碼選擇；以個人為例，常碼US9.5，D Rose 9 / US 9 鞋身左右、長度啱啱好，但鞋面非常緊貼腳背；US 9.5 鞋身長度適中、鞋頭偏闊，腳背無咁貼，確實幾難揀size。想舒服啲、對雙腳好啲，正常腳、扁平型我會建議 fit size ，全因鞋面一個無彈性嘅縫合位……