專訪 Ballaholic HK Tour 策劃人 – coachcompasshk 林志洛
《coachcompasshk》- “Coach帶有「指導策劃」的意思 ，而compass就是「引領 」的概念，這不單是一個團隊 ，更是一個信念。團隊成立於2014年，以透過coachcompasshk這個平台 ，讓香港 、亞洲，甚至世界的籃球文化連線，以籃球為引導，將所有熱愛籃球的人凝聚在一起 ，與生活文化傳統、潮流及時尚創新不斷交融、相互交流分享 ，向全世界展示出運動與熱情的態度。”
較早前日本著名街球品牌 Ballaholic 突襲香港， 走訪多個街場，更係香港著名街場之一、麥花臣球場舉行一場表演賽，係背後策劃整個企劃就係由本地球員林志洛 主導coachcompasshk 團隊安排，佢哋更加揾嚟 OverLab 為 Ballaholic 開設期間限定店，從而引入日本街頭籃球服飾到香港。
究竟有咩啟動今次 Ballaholic 來港？我同 coachcompasshk 林志洛做咗個簡單專訪:
Q: 請問由幾時開始認識Ballaholic？
A: 前幾年、一次難得機會令我成功打入美國 Full Court 21 街球比賽；係參賽過程中令我認識到幾位日本球員。到之後去日本旅行留意到 Ballaholic品牌就開始慢慢接觸佢哋。
Q: 喜歡Ballaholic哪一種文化?
A: Ballaholic係日本每一個地區都舉行常規街球比賽 SOMECITY, 每個街場比賽都有一定地位, 所有參加球員可以盡情表現自己, 我都希望香港都可以有呢個氛圍。
係香港有唔少技術好好嘅球員, 佢哋熟悉打街場, 但部分唔適應正規籃球比賽格式, 令佢哋無機會享受比賽當中籃球樂趣; 有時候正規籃球比賽令人覺拘謹, 而街球係一種自由、熱情奔放嘅籃球運動, 我希望可以趁而家運動普及嘅時候，令大家可以認識到唔同方式的籃球態度。
Q: 你最鍾意嘅籃球物品當中，有冇邊樣係屬於你嘅吉祥小物？
A.我習慣戴 Headband, Headband 可算喺我嘅籃球吉祥小物; 另一樣係波鞋, Jason Kidd嘅Zoom flight 5, 因為我本身都係Point Guard、又鍾意 Jason Kidd依位主導球場上輸送、策劃球員, 自然都鍾意佢代言過嘅波鞋啦!
Q: Ballholic當中有邊一款item你最推薦?
A: 我鍾意佢哋嘅 Tank Top, 好啱我打波著, cutting 同質料好舒適, 又多顔色揀,好啱我日常著用。
Q:介唔介意透露少少coachcompasshk 同Ballholic嚟緊香港會有咩活動？
A: coachcompasshk嘗試提供更多平台俾本地街球好手, 追蹤我哋個page就會知!
https://hiking.run/2018/09/28/6858/