LeBronWatch Orange Box

整套 LeBron Watch 系列當中，Orange Box 屬於唯一一對設計唔係源於歷年波鞋，但間接同波鞋有關嘅 Nike 元祖鞋盒。
由於依款顔色比較特殊，我專登向香港元祖Sneaker Collector – OG Ling 借咗一個Nike 早期鞋盒影相。
LeBronWatch Orange Box 俾人有獨特感覺，一種係純粹顔色而吸引人嘅鞋款；實鞋橙色係好鮮色，有少少接近螢光色系，屬於現時最多人想入手嘅 LeBron Watch。
而相對比元祖鞋盒，Orange Box更淺色，顔色反而比較接近現時鞋盒嘅橙色，望見隻色好自然就可以聯想起Nike ，係一款效益最大嘅 LeBron Watch 。如果要數鞋身最主要細節設計，一定要留意鞋踭個「Nike Air」大 logo ，以特別刺繡技術穿越 Flyknit 面同皮面，屬於比較少見嘅設計方式。
中底至鞋底模疑Nike 元祖鞋盒下半部分斜紋設計，為咗做出更清晰効果，設計連透明面 Zoom Max Air 都塗上一層灰色油，令佢更加近似元祖鞋盒感覺；不過有無發現左右腳灰色斜紋方向相反？始終 Nike 係以左腳為設計主軸，右腳好多時要跟住左腳去上色，係依對鞋身上唔算太大問題，反而唯一令人覺得奇怪係其他細節位唔多，您只會搵到好基本嘅 LeBron James 訊息，不過元祖鞋盒就係咁簡潔，絕對屬於顔色取勝。