Air Foamposite
溝埋嚟做……
基哥係食神飾演鵝頭對白講：
從來未試咁清新、脫俗嘅感覺，牛肉嘅鮮、瀨尿蝦嘅甜，溝埋一齊嘅味道，居然比老鼠斑有過之而無不及，甚至比我嘅初戀更加詩情畫意，所謂「舉頭望明月，低頭思故鄉」，好詩！好詩！
Flightposite 係 1999 年推出，當時好多人見到正式發售嘅銅色都問：點解唔出藍色或紫色？紫色一對因為Kobe Bryant 關係？ 咁藍色呢？玩Foamposite 唔係應該Penny 系列咩？
當初聽到以為人地唔識野、或者偷笑講問題嘅人，心水清都知Penny Hardaway 已經轉咗球會…… 但當細心研究 Air Foamposite One 背景之後，有人咁問其實係非常合理；試諗下係當年一個只有皮面設計籃球鞋年代，突然出現 Air Foamposite One 依種極異類嘅鞋，點會唔令人有深刻印象，而到之後出現一對同類型設計鞋款，先入為主概念即時浮現、實屬正常；反而點解唔搵 Penny Hardaway 就比較少人感興趣⋯⋯
但當兩個設計溝埋又有無諗過？假如2000年前出現兩款溝埋嘅設計，將來又會點？當然知道兩款唔同注模，點可能溝埋，但 idea 、訊息可以。
或者每一個時代就係有錯配嘅 idea 出沒，有依類錯配idea ，亦會創造出下一個追趕設計嘅步伐，這不論是設計，人生、社會步伐亦然；
您，希望是創造、還是追趕的哪位？
