安踏體育宣佈連同私募基金收購 Amer Sports

內地品牌安踏體育 ，係今朝開市前正式宣佈連同私募投資基金方源資本，向Amer Sports發出無約束力的初步意向，按每股40歐元（約364億港元）的價格，以現金方式收購其全部股份，按昨日收市價34.2歐元計，溢價近15%。消息由11號彭博傳出、一日內即時公告，安踏反應相當快，亦證明佢地對今次收購相當認真。
Amer Sports 旗下品牌主要為高端、登山裝備生產及營銷跨國企業。收購對於安踏係必須，以佢現時手上品牌侷限發展空間、增長唔會好明顯；雖然係 2014 年投得NBA 中國官方市場合作夥伴及授權商，但係內地籃球市場競爭好大，旗下 NBA 球員又少（Klay Thompson/ Rajon Rondo/ Luis Scola)，唔走出去唔得；喺東南亞比較出名代言人有菲律賓拳王 Manny Pacquiao，但您又佢幫手 sell 乜嘢？再數有咩代言人、加多5位國內運動員，認真出名嘅運動員真係得咁多😑
假如收購成功，安踏會繼續 Amer Sports 營運模式，即係唔會影響現時兩間公司生產線，正正係安踏現時採取之多品牌戰略模式，收購就只係大方向，咪又係玩返上市公司嘅遊戲。對於消費者嚟講，反而想見到更多有 heart 嘅 product 出現；雖然近期多咗新設計運動産品，但始終俾人太多抄襲感覺，要改變真係唔容易，我比較期望收購後可以令安踏內部產生正面衝擊，開拓更多産品。