籃球專欄

「2018-2019年度NIKE全港學界精英籃球比賽」男子組張振興伉儷書院一報上屆決賽之仇，以79:46大勝拔萃男書院重奪失落16屆的冠軍，而女子組協恩中學則以66:46擊敗漢華中學，連續七年稱霸精英賽，另外寶覺中學及浸信會永隆中學則分奪男女子組季軍。 張振興協恩封王稱后 上屆決賽大敗於男拔萃手下，今年張振興甫開賽即向男拔萃施展下馬威，在文俊傑及梁智康內線夾擊下上半場以36:27領先，換邊後男拔萃攻勢仍沒多大起色，相反張振興統治內線下連外圍亦得心應心，張文健連入兩記三分球助球隊擴大優勢至22分進入第四節，最後一節張振興未有鬆懈繼續對男拔萃保持壓力，最終以76:49擊敗對手勇奪冠軍，相隔16屆後再次於精英賽封王。 榮獲最有價值球員、助攻王及偷波王的張振興控衛葉俊鋒表示勝利是全隊努力的証明：「為了今次精英賽全隊都付出了很多，大家一起訓練感情很深，上年決賽大敗於男拔萃手下令今年更想復仇，比起個人獎項精英賽冠軍更有意義。」 矢志達成七連冠霸業的協恩今仗上半場受到漢華的頑強抵抗，面對協恩的全場緊迫，漢華以頻繁的跑動走位成功破解，加上馬丹鳳在內線的出色表現，助漢華半場僅以30:36落後。 下半場協恩改變戰術鞏固內線，在籃板球全面佔優下漸漸拉開比數，協恩今仗一共摘下27個進攻籃板成為贏波關鍵，最終協恩在陳欣汶及吳欣潼分別射入25及17分下以66:46擊敗漢華，連績七年稱霸精英賽。 在最後一年精英賽助球隊達成七連霸，協恩陳欣汶表示更開心的是看到後輩們的成長：「這個冠軍是我精英賽生涯的完美句號，亦標誌著新生協恩的好開始，看到師妹們在今屆賽事的出色表現，我們可以放心交棒，希望她們能將協恩的優良傳統延續下去。」 寶覺永隆勇奪季軍 準決賽不敵張振興的寶覺季軍戰面對林大輝首節陷於劣勢以18:26落後，不過第二節寶覺加強防守下林大輝進攻受阻，加上王健朗及劉榮浩多次在內線成功取分，助寶覺半場反超前三分。換邊後雙方互有領先分數相當接近，不過向來擅長外線的林大輝今場三分球失準只入4球，尾段多次錯失機會下最終以75:81落敗，而寶覺則連續兩年獲得季軍。 今屆精英賽以學界冠軍身份出戰，卻始終未能突破去屆成績，寶覺主力蔡再南坦言留有遺憾：「拿到學界冠軍後，精英賽是我們最大的目標，未能奪冠是有遺憾，不過季軍戰贏了總算是對學校及自己有所交代。」 今場由永隆及葵裘錦秋合演的女子組季軍戰打得非常緊湊，早段雙方陷於拉鋸互有領先，不過第二節葵裘錦秋受到犯規問困擾，劉倩婷及何佩盈兩大得分主力相繼被收起，永隆隨即展開猛烈攻勢取得領先，面對劣勢葵裘錦秋卻沒有就此捱打，反而在曾豪晴及胡穎欣的外投攻勢下成功反超前，以31:26半場領先。下半場葵裘錦秋在吳芷嵐的出色表現下節節領先，不過永隆在關鍵時刻有陳樂如挺身而出，連續命中4記三分球助球隊收略失地，加上中鋒黃惠婷尾段發力接連籃下得分，最終永隆以74:69險勝葵裘錦秋奪得季軍，創下學校史上精英賽最佳成績。 永隆下半場進攻表現大有改善，獨取22分的關海珮表示是教練令球隊清醒起來：「中場休息時教練罵醒了我們，提醒我們要對隊友更有信心、要相信隊友，令我們團結起來，今年得到季軍，希望下年能夠更進一步挑戰精英賽冠軍。」 曹星如歐鎧淳鼓勵學生為夢想奮鬥 今年Nike全港學界精英籃球比賽特別邀請了曹星如及歐鎧淳兩位垷役香港運動員於總決賽作開幕儀式嘉賓，並鼓勵各學生運動員要為瘋狂的夢想奮時鬥。 平日在台上揮灑熱血的曹星如，今次首次以觀眾身分入場觀看精英賽，他指比賽節奏非常緊湊。「自己雖然坐在觀眾席上，也為同學們感到非常緊張。我覺得學界精英賽對同學來說，就如一個重要的短期目標，向著這個目標專注訓練，不單能提升實力，過程亦讓他們獲益良多。而今天的比賽，就是一個重要的舞台，讓他們發揮辛苦訓練的成果。」對於今年精英賽以「一生只有一次精英」為主題，曹指這句說話極具鼓勵作用，驅使同學在比賽中發揮極致，打出精彩比賽之外，更使他們懂得珍惜辛苦修來的成果。 而曾經兼顧學業與體育成績的歐鎧淳，就非常欣賞一班學生運動員。「要在高中時期兼顧兩者，一定是辛苦的，秘訣是要懂得分配時間吧。不過無論如何，最重要是盡情比賽，並且享受比賽過程，將自己的內在潛能發揮出來，就如今年口號『一生只有一次精英』，就藉著這個舞台突破自己吧。」

「2018-2019年度NIKE全港學界精英籃球比賽」男子組張振興伉儷書院及拔萃男書院分別擊敗寶覺中學及林大輝中學殺入決賽，而女子組方面協恩中學則與漢華中學爭奪冠軍。 漢華協恩將會師決賽 力爭精英賽七連霸的協恩今場甫開賽即先聲奪人，吳欣潼及陳欣汶合力助協恩於首節取得優勢，相反永隆則遲遲未能入局多次錯失機會，第二節永隆進攻表現有所改善，陳樂如命中三分加上關海珮快攻得手令協恩一直未能拉開比數。 半場領先的協恩換邊後有陳欣汶個犯纏身要退下火線，不過主力缺陣卻令協恩更為集中，劉芳盈帶領板凳球員打出一段16:4的攻勢助協恩一度領先19分，第四節永隆企圖收回失地可惜為時已晚，最終協恩以53:38擊敗永隆躋身決賽。今場取得11分8籃板的陳欣汶下半場因犯規問題未有太多上陣時間，她表示要汲取教訓決賽要打得更集中：「球隊每每在拉開比數後出現鬆懈，在決賽我們必須更加集中，漢華實力很強又有高大中鋒坐鎮，我們要打得更有針對性，遵從教練部署。」 而協恩的決賽對手漢華於準決賽則陷入苦戰，葵裘錦秋在何佩盈及劉倩婷的出色表現下首節一度領先，不過第二節顧綽姿及馬丹鳳多次強攻內線得手，加上黃揚茵連中兩記三分球助漢華反超前36:29完半場。 葵裘錦秋今場雖有何佩盈轟入全場最高的37分，不過卻未能彌補雙方在三分球上的差距，葵裘錦秋今仗沒有任何三分球進帳，相反漢華全場則射入8記三分球，尤其是完場前梁浠悠及黃揚茵連續三分命中成功阻止對手後來居上的勢頭，最終漢華以72:63力克葵裘錦秋取得決賽入場劵。漢華馬丹鳳今仗錄得23分23籃板的「雙雙」成績，不過她對球隊的整體表現卻未感滿意：「防守溝通不算太好亦不夠硬朗，決賽協恩的全場緊迫會給我們更大壓力，要贏冠軍我們需要更加努力。」 張振興男拔萃明展硬仗連場 男子組方面張振興憑藉內線得出色發揮，以87:71擊敗寶覺取得決賽席位，梁智康及文俊傑兩名內線主力合共取得39分以及摘下21籃板助球隊自第二節起便未嘗落後，加上寶覺主力射手何旭峰慘遭凍結今場只有5分進帳，令張振興得以連續兩年晉身決賽。上年決賽慘敗於男拔萃手下，張振興上下均希望今屆賽事能夠復仇，梁智康表示球隊現在更為團結：「我們現在更信任隊友，更願意去傳球製造空位，我們五名正選已經是最後一年打精英賽，很想在決賽贏男拔萃一雪前恥。」 繼上屆精英賽後張振興的決賽對手再次是男拔萃，男拔萃四強面對林大輝未遇太大考驗，憑藉籃板球的巨大優勢一直處於領先，擅長外圍投射的林大輝今場三分命中率不足三成，主力張峰碩下半場被凍結火力大減，男拔萃勝在得分點平均有四名球員得分「上雙」，最後一節收起主力下仍以76:54大勝對手，距離衛冕只差一步。男拔萃劉俊鴻認為決賽對張振興將是一場硬仗：「張振興陣容較完整，而我們板凳深度更好，雙方實力很接近，會小心張振興的文俊傑及葉俊鋒，他們毫無疑問是當今學界的頂尖水平。」 Nike特設NIKE.COM VIP觀眾貴賓專區 今年Nike全港學界精英籃球比賽的四強，季軍賽及總決賽首次移師新伊館舉行，Nike更特別為 NIKE.COM VIP觀眾設VIP貴賓專區，除了八支勁旅的精美紀念品外，VIP觀眾更可即席印上心愛隊伍的印水紙，身體力行為愛隊打氣。現場亦設人像繪畫工作坊，以及巨型扭蛋機，獎品包括Kyrie 5籃球鞋、籃球球衣、NIKE.COM 7折價惠碼、門市7折優惠卡等等，VIP觀眾更可享用現場的小食及飲品。 2019年1月27日程表   季軍賽 10:00

「2018-2019年度NIKE全港學界精英籃球比賽」男、女子組四強經已於上月尾順利出線，而四強賽及決賽將分別於2019年1月26日及27日假伊利沙伯體育館舉行。 今年首次選址於有超過3000個座位的伊利沙伯體育館舉行，讓更多公眾亦能親眼見證學界精英籃球冠軍的誕生。更首次推出網上登記方式以索取門票，並將於明天(1月10日)早上10時開始接受登記。此外，學體會亦預留每組賽事各200張門票在1月23日於何文田的學體會操場免費派發。如未能透過上述兩個方法索取門票，公眾亦可在每組賽事開賽前個半小時到達體育館場外排隊輪候候補門票。 兩天的比賽程序及門票安排詳情如下： 2019年1月26日(星期六)  四強賽 門票 *入場時間 門票 失效時間 對賽隊伍 公開派發門票數量 A組 09:00–10:00 10:00 10:00 女子組準決賽永隆vs 協恩 12:00 女子組準決賽葵裘錦秋vs漢華 800 (網上登記) 200 (1月23日派發) 清場13:45-14:15

早前「Jing Ying Basketball School Tour」邀請了創作組合Graphic Airlines到八間學校向學生傳授設計心得，協助他們參予全明星球衣設計比賽。八間學校最終各自選出兩份代表作品參賽，而一共16份入圍設計將以公眾投票方式選出優勝作品。 Graphic Airlines成員阿Vi指，今次全明星球衣設計比賽的參賽學生，既有精於美術的，亦有擅長籃球的，是一件很難得的事。「因為由同學們設計的球衣，就如一個載體，盛載著整間學校的團結精神。很多文科生都覺得體育項目如籃球是遙不可及的世界。這次他們能透過設計球衣，參與學校的體育活動之中，就如將學校的文武兩方連結在一起，大大增強同學們的團結精神。」 阿Vi認為，不論是參與球衣設計或是籃球比賽的同學們，都不要把輸贏看得太重。「這些年來我們也參加過不少設計比賽，面對過無數次失敗。輸贏從來不是重點，若能在比賽過程中吸取到寶貴的經驗，在賽後繼續激勵與磨鍊自己，不斷練習、觀察並提升自己的能力和專注力，這樣不是更重要嗎！」 就如今年NIKE全港學界精英籃球比賽的主題訊息「一生只有一次精英」一樣，Graphic Airlines另一成員阿達希望參與設計比賽的同學們，能好好享受這次比賽：「設計球衣是一件很好玩的事，創作可以天馬行空，加上今次比賽是以公眾投票選出優勝作品，我相信同學們可以找到不少樂趣。」 想參與選出今年全明星球衣設計的市民，可於12月24日（傍晚時間） 起至明年1月16日，於www.nike.com 投票選出最心愛的球衣設計，獲得最高票數的作品將會被印製成真正球衣，並成為今年ALL STAR精英賽球員的專屬球衣。設計比賽結果將於1月27日與ALL STAR 名單一同公佈。 另外，公眾亦可於同一網頁提交你心目中的精英賽MVP 並講出原因，投票結束後Nike 將選出十位幸運兒，並有機會獲得全港學界籃球精英賽26

「2018-2019年度NIKE全港學界精英籃球比賽」第一階段進入第二日賽事，女子組林大輝中學克服半場大比數落後的劣勢，第四節以「零封」對手的出色表現反敗為勝，最終以36：24擊敗港青基信書院取得首勝，而男子組方面天主教余振強第二紀念中學則以44：60不敵英華書院，兩戰兩敗下無緣晉級。 林大輝中學男籃近年進步神速，而今年女籃亦不讓男隊專美成功殺入精英賽，不過首戰面對防守硬朗的基信卻遇上嚴峻考驗，受制於基信不惜氣力的全場緊迫，頻頻失誤的林大輝女籃上半場只有8分進帳大幅落後，幸好換邊後這支沙西區D1亞軍成功找回節奏，加上對方個犯纏身防守力度減弱，林大輝隨即把握機會收回失地，最後一節更成功以17：0「零封」對手，最終林大輝以36：24反勝基信，取得今屆精英賽首場勝仗。 林大輝隊長潘琪詠今場獨得12分成為贏波功臣，她坦承開段表現失準，猶幸在教練激勵下重拾狀態：「由於考試關係我們已有一段時間沒有練習，比賽早段一直找不到節奏而且很緊張，不過半場時教練叫我們相信自己，專心做好每一次進攻，調整心態後終於重拾狀態。」來到學界生涯最後一年終於踏足精英賽，潘琪詠希望盡情享受這個難得的舞台：「暫時以出線為目標，看看能走得多遠，見識一下學界最高水平的實力，將是我們寶貴的經驗。」 而男子組方面首戰不敵裘錦秋（葵）的余二再度出擊，面對傳統勁旅英華初段打成均勢，賣力的防守及爭搶籃板更一度打亂英華的進攻節奏，可惜兩隊在把握機會上始終有差距，英華以準繩的外投及快攻漸漸確立優勢，不過余二並未放棄奮戰到最後，最終余二以44：60不敵英華，兩戰兩敗下無緣出線。搶下12分卻始終未能晉身第二階段，余二射手楊嘉晞坦言已經無憾：「上一場有隊友受傷送院，很希望可以帶他一起出線，我們已經盡力可惜仍無法擊敗英華及裘錦秋這些強隊，雖然我的精英賽生涯已經結束，慶幸的是盡力了沒有留憾。」

「2018-2019年度NIKE全港學界精英籃球比賽」第一階段賽事正式展開，女子組方面沙田崇真中學首戰以39：24力克滙基書院（東九龍），向著首度於精英賽小組出線的目標邁進，而男子組傳統勁旅漢華中學則有驚無險下以56：43擊敗香港道教聯合會鄧顯紀念中學。 連續三年殺入精英賽，卻從未嚐過出線滋味的沙田崇真中學今年迎來最佳機會，首戰面對滙基書院（東九龍）首節雖然受到一定壓力，不過第二節加強防守下藉快攻確立領先優勢，最終在戴芷渝獨取14分下以39：24勝出於今屆精英賽旗開得勝。最後一年出戰精英賽，戴芷渝強調特別珍惜今次機會：「今年是最後一次打精英賽的機會，特別珍惜這個籃球舞台，不想留下任何遺憾，會拚盡全力和隊友一起爭取好成績。」旗開得勝的沙崇有望首度於第一階段賽事脫穎而出，戴芷渝認為是球隊上下一心的成果：「上年打法仍偏向個人化，今年更注重協助團隊，為了今次精英賽，全隊由上堂前到放學後均一起訓練，感覺是前所未有的齊心，大家一起為出線這個目標而努力。」 而男子組方面奪標熱門之一的漢華則受到鄧顯的猛烈挑戰，首次躋身精英賽的鄧顯上半場成功壓制以低年級球員為骨幹的漢華，更一度取得多達10分的領先優勢，不過下半場漢華換入多名主力後形勢立刻逆轉，以全場緊迫令鄧顯連番失誤迅速收回失地，最終以56：43反敗為勝。漢華教練翁金驊坦言有意於第一階段賽事練兵，盡量讓低年級球員上陣汲取經驗：「正選上陣的很多是04年出生的球員，希望他們把握機會汲取經驗，今年精英賽各隊實力很平均，有10支球隊很接近，能走得多遠取決於臨場發揮。」  

8號仔：喂5號仔, 遲啲奧運籃球你估今屆邊隊贏呢？ 5號仔：遲啲? 你講緊2020東京呀仲有兩年幾喎，同埋屆屆都有啦，美國贏梗啦！ 8號仔：我講緊 3 X 3 呀! 新加獎牌項目。 5號仔：咪一樣，是旦搵兩三個NBA，乜都唔洗打啦 8號仔：你唔好成日顧住苦練你個幾下絕招住啦，3 X 3同五打五好唔同嫁，你夠竟知唔知嫁？ 5號仔：咪3個隊友同5個隊友既分別（?反正幾多個隊友都好我都唔多理，只要我一出輕鬆入樽就搞掂對面） 8號仔：?咁除左人數唔同 咁你仲知啲咩呀？安全sir話叫你揀多幾個人入隊，邊個都得呀！ 5號仔：知啦得十二秒進攻嘛! 咁好易啫，叫呀龍返洛黎一開波比佢慢慢背籃牛入去，搞掂easy, 話哂都第一中鋒??

上次講過一個問題，當罰球射出之後再吹判雙方犯規既情況下，會唔會有罰球? 梗係唔會有啦，就算有球隊滿team foul，但因為罰球射出果一刻開始，雙方球隊都未有控球權，點吹罰呢? 所以正確黎講當然係jump波啦！ 講開jump波，如果雙方一齊拎住幾耐先會吹呢？係街場可能聽得最多「1、2、3！jump波。」但係球例入面只係提到： 球例12.1.2 : 當1名或以上不同隊的球員各以單手或雙手緊握球體，如不用粗暴動作則不能獲得球時，則發生「爭球」 所以唔會用幾耐去決定係咪判jump波。 至於好多時滿team foul後，如果有進攻犯規出現，記得唔好再問球証「唔係射罰球咩？」，記住進攻犯規係唔會有罰球射嫁！ 不過其實進攻犯規都會引起球員疑問，其實問先算進攻犯規呢？要成個人企定？隻腳係咪真係唔郁得，咁成個人唔郁得係由人地起動走籃開始計定係投籃果下先計？相信當遇到被球証吹完既人都會追問球証: 咩咩咩~~ 同場邊啲隊友又會話「喂，佢郁緊喎! 」之類！如果大家都遇過呢啲既話，咁就岩啦，下期將會開始主要硏究下進攻犯規。

「天下武功，唯快不破」。 其實現今籃球比賽嘅節奏都越來越快，球証有時睇漏嘢都好正常，例如走步、打手等等，但我見到就一定要吹，而我一直都拎住呢個宗旨做球証，但現時某啲聯賽球証對球例嘅理解又真係差啲，希望佢地可以補吓習嘅同時，令到打緊比賽嘅球員都可以更明白球例。 一個經常出現嘅實例: 就好似比賽仲剩廿幾秒、時間好短，A隊領先兩分，但係team foul滿，而家A隊有一個罰球，罰球出手射唔入，雙方籃底球員好緊張，互相搶位時動作過大，球証吹雙方犯規; 之後由於A隊team foul滿所以B隊射罰球，第一球入第二球唔入，咁呢球籃板梗係更加博命嫁啦!  籃板大家搶唔到，個波跌喺地下，A隊球員成個人訓落去攬住個波，B隊球員梗係衝去搶，其中一位B隊球員紮行馬雙手揸住個波一拉，連埋訓係到個人拉前咗少少，B隊啲人即刻叫 「走步呀！」 然後球証話「我睇到，走步。」，之後B隊開波最後結果? 唔重要啦⋯⋯ 「時間短、動作快」唔代表睇唔到就唔吹，但睇到又唔吹? 其實成以上實例真係錯得好_過分，大家就咁估又發現咗幾多個問題呢？ 首先以上情況最後幾十秒，雙方犯規係唔會有罰球射 （以上情況B隊真心要多謝球証同A隊朋友無任何反應，輸緊有罰球射……)。 第二就梗係走步，其實有個情況成日都會俾人誤會，就係當個球員訓係地既時候而繼續拍住個波又或者好定咁hold住個波，只要個人有少少郁就會吹走步。 但其實就算你個人訓係地，只要你個動作仍然係拍緊波，就繼續係有效運球，更何況上面個情況！ 走步定義：例書25條 (太長講唔晒住)， 25.2.3入面清楚講到：

上星期見天氣好，又唔使吹波同比賽，就落去街場玩下啦，同人鬥波咁啱又撞到啲有趣街例~ 隊友射波～「彭 !」唔入，唔怕有籃板 ! 補籃～「彭!」再炒，跟住有一名 敵方友好球員B 飛身過黎搶板，「拍」一聲，波連人帶波打落去，之後。。。。   隊友A：喂！犯規 ! 敵方友好球員B：吓，籃板無得foul架喎! 哥哥仔你識唔識咩叫 「球手合一」呀! 我見個波都出左界，橫掂都係我地波，咁就同隊友A講: 算啦! 開波啦! 之後打咗兩三球，又有籃板球，被人一拍，個波飛到九丈遠。好我去追啦，個波仲未過中場線，喺未出界前畀我又追到撈得返個波入嚟，見到無人追，咁我咪行返入個場繼續拍波，依位敵方友好球員B 又再出聲。。。。 敵方友好球員B：喂！你出咗去唔可以再入嚟拎波喎 我：吓，點解呀?

「三年之後又三年，三年之後又三年，十年都黎緊頭啦老細！」呢一句話好多人都聽過，就係無間道入面嘅經典對白，咁同球証有咩關係呢？原來做一個正式球証比想像中難，第一關當然係要上堂同筆試， 如果係筆試入面未考之前，梗係諗住好似以前會考咁死背爛背啦，點知一考就知 – 瀨 ~ 野 ! 全部都係處景題，唔怪得呀Sir之前話一定要明白背後精神。 好彩 Pass 筆試，之後就要150人裏面篩選118位，之後現場實習又篩選18位，到最後再篩選剩約10位，依10位仲要再實習一年先正式成為「註冊三級球証」。咁點先可以去到國際球証呢，咪就係三年，所以三年又三年囉！ 所以好多球迷都會話籃總成日都搵啲「老嘢」吹波，但試問有幾多人會喺當打嘅時候（約20至28歲）選擇做球証呢，自己落場打波好過啦，係咪先？所以其實唔係籃總安排班「老嘢」霸住晒，而係培養一個球証係需要一段好長、好長嘅時間去畀球證落場吸收經驗。而喺呢個咁辛苦嘅漫長過程裏面，對比起我打幾年波所學到對籃球上認知多好多! 而且好多疑惑都全數解開，同時發現自己過去幾年都只係一直用自己把尺去打波同睇波！ 今次主要講下：例書第三十條：球回後場違例 (pass back) 定義 講之前必須要引用前輩嘅一句話「例書入面嘅球例其實好簡單，但作為一個球証必須要明白每條規例背後意義!」 1. 運球者原來要三點過晒前場先正式叫做過前場

近幾年除咗成日練波，又報幾個唔同既聯賽打之外，仲會得閒入場睇甲一聯賽，開始認識更高層次比賽！有時會同朋友吹水講到私人聯賽，一講報幾個聯賽打既時候，大家都會有唔少共鳴 (唔知你地又打緊幾多個? 我就同一時間打緊六個，最近兩三年無論團體奬同個人獎都扲過……） 好多人都問點解打咁多個聯賽？唔多唔少都係因為球證囉……因為打比賽既時候，以前經常都唔明佢地「吹咩」？無掂到又「吹」，後面靚block、偷波又「吹」，pass back係咩標準呀，點先係進攻犯規，咩叫防守者雙腳未企定？太多疑問啦! 犯規都有學問? 於是我諗住上網睇下NBA，上Youtube睇下甲一/甲二比賽，同入場睇多啲甲一學下野啦; 睇睇下原來先知， NBA打緊係NBA球例，同其他同類比賽例如甲一/甲二又有少少唔同（我地一般打緊係FIBA例），嘩、乜咁複雜呀! NBA咁遠就唔講，講返本地波; 入場睇本地波除咗某部分比較出名既本地球員名外，深信(都幾肯定…) 聽得最多既名應該係禿鷹、奸人堅、佛地魔、四眼……佢地全部都係球證既花名，佢地唔係球員但大家都聽慣聽熟，不過經常都會連同「黑哨」呢個型容詞一齊出現。 而入場睇波都應該聽過人鬧，我肯定係有份鬧果個啦 ! 鬧人「黑哨」，就因為覺得佢地執法有問題，同自己打私人聯賽一樣，走步唔吹，pass back唔吹，三秒又唔吹，打手又唔_吹，成日遍幫紅衫喎 (利申:我係兆榮 fans) ……由於有太多問題球，所以入場鬧球證開始鬧上癮，有得鬧又唔會食T(T-Foul) ，正呀！（可能因為平時比賽鬧多兩句就被T，要發洩下